સુરત જિલ્લાનાં માંડવી તાલુકામાં ઘંટોલી ગામમાં સુરત જિલ્લા એલ.સી.બી.ની ટીમે છાપો મારી એક ઘરમાંથી વિદેશી દારૂ સાથે બે શખ્સોને ઝડપી પાડયા હતા. પોલીસે સ્થળ પરથી દારૂ સહિત કુલ ૫૮,૨૧૦ રૂપિયાનો મુદ્દામાલ કબજે કર્યો હતો.

સુરત જિલ્લા એલ.સી.બી.ની ટીમ પેટ્રોલીંગમાં હતી તે સમયે ખાનગી બાતમી મળી હતી કે, ઘંટોલી ગામના ફેદરિયા ફળિયામાં રહેતો મેહુલ રામસિંગ ચૌધરી વિદેશી દારૂનો જથ્થો લાવીને પોતાના ઘરે સંતાડી રાખે છે અને ચોરીછૂપીથી વેચાણ કરે છે. આ બાતમીના આધારે પોલીસે દરોડા પાડી મેહુલ રામસિંગ ચૌધરી અને સંજય પ્રવીણભાઈ ચૌધરીને ઝડપી પાડયા. જ્યારે સપ્લાયર કમલેશ ચૌધરીને વોન્ટેડ જાહેર કરવામાં આવ્યો છે. પોલીસે આ ત્રણેયની પાસેથી વિદેશી દારૂ સહિત કુલ ૫૮,૨૧૦ રૂપિયાનો મુદ્દામાલ કબજે કરી કાર્યવાહી હાથ ધરવામાં આવી હતી.