સુરત એલ.સી.બી. પોલીસે વાવ ખાતે પીકઅપમાં ઘાસની આડમાં લઇ જવાતો વિદેશી દારૂનો જથ્થો ઝડપી પાડયો હતો. પોલીસે કુલ ૯.૭૧ લાખનો મુદ્દામાલ કબજે કરી બે શખ્સોને દબોચી લઈ બેને વોન્ટેડ જાહેર કર્યા હતા. પ્રાપ્ત માહિતી અનુસાર, બોલેરો પીકઅપ નંબર જીજે/૩૭/ટી/૪૪૫૯નો ચાલક પીકઅપમાં ગેરકાયદે વિદેશી દારૂનો જથ્થો ભરી વાવ ગામથી કોળીભરથાણા તરફ જનાર હોવાની એલસીબી પોલીસને બાતમી મળી હતી. જેથી પોલીસે વાવથી કોળીભરથાણા તરફ જતા નહેર વાળા રોડ પર વોચ ગોઠવી દીધી હતી.

તે દરમ્યાન ઉપરોક્ત બાતમી વાળી બોલેરો પીકઅપ ત્યાં આવી પહોંચતા પોલીસે જેને અટકાવી ચાલક અને ક્લિનરને સાથે રાખી પીકઅપમાં તપાસ કરતા જેની અંદર ૯.૭૧ લાખનો મુદ્દામાલ સાથે બે પકડાયા, બે વોન્ટેડ શેરડીનાં ઘાસચારાની આડમાં મુકેલો વિપુલ પ્રમાણમાં વિદેશી દારૂનો જથ્થો મળી આવ્યો હતો. આમ, પોલીસે બનાવનાં સ્થળેથી ૨,૬૦,૬૪૦ કિંમતની ૧૪૪૦ નંગ વિદેશી દારૂની બોટલો, ૭ લાખ કિંમતની પીકઅપ, ૧૦ હજારનાં બે મોબાઈલ, ૫૭૦ રોકડા મળી કુલ ૯,૭૧,૨૧૦ રૂપિયાનો મુદ્દામાલ કબજે કર્યો હતો તેમજ પોલીસે પ્રોહિબીશન એક્ટ હેઠળ ગુનો નોંધી રાહુલ વનીશ ગામીત (રહે.બુધલેશ્વર ગામ, તા.મહુવા) અને પ્રેમ વિભુ હળપતિ (રહે.મહુવા ગામ, તા.મહુવા)ની અટક કરી તેમજ પ્રીતમ ઉર્ફે કબીર દિનેશ પટેલ (રહે.મહુવા ગામ) અને  વિદેશી દારૂનો જથ્થો મંગાવનાર અજાણ્યો ઇસમને વોન્ટેડ જાહેર કરી આગળની તપાસ હાથ ધરી હતી.