સુરત જિલ્લાનાં ઓલપાડનાં માછીવાડમાં મોદી સેલની સામે પતંગની દુકાનની બહાર અરબાઝ ફિરોઝ કુરેશી (ઉ.વ.૩પ.,રહે.માછીવાડ) કાચનો પાઉડર મિક્ષ કરી પતંગ ચગાવવાના દોરા માંજવાનું કામ કરી રહ્યો હતો. જેને ઓલપાડ પોલીસે પકડી લીધો હતો. બીજા કિસ્સામાં મીના હોટલ પાસે શાકભાજીની દુકાન સામે અશોક પ્રકાશભાઈ કહાર (ઉ.વ.૫૨.,રહે.માછીવાડ) કાચના પાવડરથી ચાઈનીઝ દોરા ઘસી રહ્યો હતો. જે વ્યક્તિ, પશુ, પક્ષી માટે હાનિકાર હોવાથી સરકારે પ્રતિબંધ ફરમાવ્યો હોવાથી આ બંન્ને ઈસમો જાહેરનામાંનો ભંગ કરતાં પોલીસે દોરો માંજવાના પ્રવાહીનો નાશ કરી બંને ઇસમો વિરૂદ્ધ ગુનો નોંધ્યો હતો.