માંગરોળનાં મોસાલી ચાર રસ્તા ખાતેથી ગૌમાંસના ગુનામાં ચાર માસથી નાસતા ફરતા મુંજલાવ ગામના બે આરોપીને પોલીસે ઝડપી પાડયા હતા. સુત્રો પાસેથી મળતી માહિતી મુજબ, માંગરોળ પોલીસનો સ્ટાફ પેટ્રોલિંગમાં હતો. તે દરમિયાન બાતમી મળી હતી કે, ચાર માસ અગાઉ નરોલી ગામેથી ગૌમાંસ સાથે ઝડપાયેલા આરોપીઓને ગૌમાંસ આપવાના માંગરોળ પોલીસ સ્ટેશનમાં નોંધાયેલા ગુનાના બે વોન્ટેડ આરોપી મોસાલી ચોકડી પાસે આવ્યા છે. જેથી પોલીસની ટીમે બાતમીવાળી જગ્યા ઉપર રેડ કરતા વોન્ટેડ આરોપીઓ મોહમદ ઈદ્રિશ અયુબ ઘડિયા ઉર્ફે છોટાભાઈ તથા ઈબ્રાહિમ મહમદ ઈલ્યાસ કડોદિયા ઉર્ફે બીલાલ (બંને રહે. મુંજલાવ ગામ, તા. માંડવી, જિ. સુરત)નાંને ઝડપી પાડયા હતા.