દેવઊઠી અગિયારસને વઘઈ અંબા માતાનાં મંદિર ખાતે રાત્રે ભગવાન શ્રી કૃષ્ણ અને તુલસી માતાનો વિવાહ કાર્યક્રમ હતો. જેમાં ભરવાડ સમાજનાં ભક્તો મોટી સંખ્યામાં જોડાયા હતા. જેમાં વઘઈનાં ભરવાડ સમાજના આગેવાન દેવાભાઈ સોહલાના ઘરેથી ભગવાન શ્રી કૃષ્ણનો વરઘોડો બેન્ડવાજા સાથે નીકળ્યો હતો. આતશબાજી રાસગરબા સાથે આ વરઘોડો સમગ્ર નગરમાં ફર્યો હતો. આ સાથે ભવ્ય મામેરું ભરવામાં આવ્યું હતું. જેમાં તુલસીમાતાને સૌળે શણગાર કરાયા.