ચાંદખેડામાં રહેતી અને ધો. 12માં અભ્યાસ કરતી 20 વર્ષીય યુવતીએ આઇઓસી રોડ પર આવેલા સોના ગ્રૂપ ટયુશન કલાસીસમાં જતી હતી. તેણે કલાસીસમાં 3 દિવસ પહેલા જ એડમિશન લીધું હતું. શુક્રવાર સવારે તે ક્લાસમાં પહોંચી ત્યારે કોઈ હાજર ન હોવાથી યુવતી એકલી બેઠી હતી. દરમિયાન ક્લાસીસનો સંચાલક પ્રકાશ સોલંકી ત્યાં આવ્યો અને યુવતીને પોતાની ચેમ્બરમાં લઇ ગયો હતો. પ્રકાશે પોતે રેકી અને હીલિંગ કરતો હોવાનું જણાવ્યું. ત્યારબાદ તુમ મુજે અપના ફ્રેન્ડ સમજો. પર્સનલ સે પર્સનલ બાત શેર કર શકતી હો તેમ કહીને માથામાં હાથ મૂકીને રેકી કરવાનું નાટક કરતો હતો.

બાદમાં પ્રકાશે યુવતીનો ડ્રેસ કાઢવાનો પ્રયાસ કર્યો હતો. જોકે યુવતી ત્યાંથી નીકળી ગઇ હતી. બાદમાં યુવતીએ તેના ભાઇ અને પરિવારજનોને સંચાલકની કરતૂતોની જાણ કરી કરતા પરિવારજનોએ કલાસીસ પર જઈને તોડફોડ કરી પ્રકાશને મેથીપાક ચખાડયો હતો. આ અંગે યુવતીએ પ્રકાશ સામે ચાંદખેડામાં છેડતીની ફરિયાદ નોંધાવી છે.યુવતી સાથે છેડતી કરનાર શિક્ષક પ્રકાશ સોલંકીની ચાંદખેડા પોલીસે ધરપકડ કરીને પૂછપરછ શરૂ કરી.આરોપીના ટ્યુશન કલાસીસ અને આજુબાજુ ના CCTV ફૂટેજ મેળવી તેમજ અન્ય વિધાર્થીઓના નિવેદન લઈને વધુ કાર્યવાહી હાથ ધરી છે.