તાપી જિલ્લાનાં નિઝર-વેલદા રોડ પર સોલાર પાર્ક બનાવવાનું કામ ચાલુ હોય ત્યાં સોલાર પાર્ક બનાવવા માટે સામાન ભરીને આવેલી ટ્રક નંબર જીજે/૦૭/વાયવાય/૬૬૮૦નાં ચાલક પ્રવેશ જગદીશ દુબે (ઉ.વ.૩૧, રહે.પુરવા ગામ, પોસ્ટ મસાયચા, તા.બાંસી, જિ.સિધ્ધાર્થનગર, ઉત્તરપ્રદેશ) લઇને આવ્યા હતા. તે સમયે ટ્રક ચાલક તાડપત્રી ખોલવા માટે ઉપર ચઢયા હતા. તે દરમિયાન ટ્રક ઉપરથી જતી વીજ લાઇન સાથે ટ્રક ચાલકનો નાકનો હિસ્સો અડી જતા કંરટ લાગવાથી ટ્રકમાં ભરેલો સામાન ઉપર પડી જઈ બેભાન થઇ ગયા હતા. જેથી ટ્રકનાં ચાલકને સારવાર માટે નિઝર સરકારી દવાખાનામાં ખસેડવામાં આવતા ફરજ પરના તબીબે ટ્રકના ચાલકને મૃત જાહેર કર્યા હતા.