વ્યારા તાલુકામાં કપુરા ગામના ગામઠાણ ફળીયામાં રહેતો 42 વર્ષીય યુવક સુભાષભાઈ દિનુભાઈ ગામીત આજરોજ સવારના આસરે 8.30 કલાકના અરસામાં  પોતાની બજાજ કંપનીની એક્સેસ મોટરસાઈકલ નંબર-જીજે/26/એએ/8327 પર વાલોડ નોકરી ઉપર જઈ રહ્યા હતા.

તે સમય દરમિયાન કપુરાથી રૂપવાડા ગામ તરફ જતા રોડ પર, ભેંસના તબેલાની સામે પહોચતા એક ટ્રક નંબર-જીજે/21/ટી/5422 નો ચાલકએ પુરઝડપે અને ગફલત ભરી રીતે પોતાની કબ્જાની ટ્રક હંકારી લાવી સુભાષભાઈની મોપેડ ગાડીને ટક્કર મારતા સુભાષભાઈ રસ્તા પર પટકાતા તેમને માથામાં તથા મોઢાના ભાગે ગંભીર ઈજા પહોચતા સુભાષભાઈનું ઘટના સ્થળ પર જ મોત નીપજ્યું હતું. અસ્માત બાદ ટ્રક ચાલક ટ્રક છોડી નાસી છુટ્યો હતો. આ બનાવ અંગે મૃતકની પત્ની અમીતાબેન સુભાષભાઈ ગામીતની ફરિયાદના આધારે વ્યારા પોલીસે ટ્રક ચાલક વિરુદ્દ ગુનો દાખલ કરી વધુ તપાસ હાથ ધરી છે.