ડાંગનાં સાપુતારા માલેગામ રાષ્ટ્રીય ધોરીમાર્ગ ઉપર ઘાટમાં પુણેથી રાજકોટ ભંગારનો સામાન ભરી જઇ રહેલા ટ્રકની બ્રેક ફેલ થતા ટ્રક માર્ગ ઉપર પલટી મારી જતા અકસ્માત સર્જાયો હતો. સુત્રો પાસેથી મળતી માહિતી અનુસાર, પુણે મહારાષ્ટ્રથી રાજકોટ ભંગારનો જથ્થો ભરી જઇ રહેલા ટ્રક નંબર GJ/13/AT/4140ને સાપુતારા માલેગામ ઘાટ માર્ગમાં અચાનક બ્રેક ફેલ થઈ ગઈ હતી.

​

જોકે બેકાબુ બનેલ ટ્રકને ઊંડી ખીણમાં ખાબકતા બચાવવા ચાલકે સમય સુચકતાથી ટ્રકને માર્ગ સાઈડના સંરક્ષણ દીવાલ સાથે અથડાવી દેતા ટ્રક માર્ગ ઉપર જ પલટી જતા અકસ્માત સર્જાયો હતો. જેમાં ચાલક ક્લીનરનો ચમત્કારિક બચાવ થવા સાથે ટ્રકને જંગી નુકસાન થયું હતું. બનાવ અંગે સાપુતારા પોલીસે ગુનો નોંધી કાયદેસરની કાર્યવાહી હાથ ધરી હતી.