ઉકાઈ ડેમ ના ઉપરવાસમાં પડેલ વરસાદ ને લઈ ડેમમાં પાણી ની આવક થતા ડેમ ના સત્તાધીશો દ્વારા ડેમ ના 22 દરવાજા પૈકી 13 દરવાજા ખોલી તાપી નદી માં પાણી છોડવામાં આવી રહ્યું છે. જેને લઈ તાપી નદી ની આસપાસ આવેલ ગામો ને એલર્ટ કરવામાં આવ્યા છે.

ઉપરવાસમાં પડેલ વરસાદ ને પગલે તા.22મી સપ્ટેમ્બર નારોજ ઉકાઈ ડેમ માં પાણી ની આવક થતા ડેમ ના સત્તાધીશો દ્વારા ડેમ નું રુલ લેવલ જાળવવા ડેમ ના 22 દરવાજા પૈકી, 12 ગેટ 7 ફૂટ અને 1 ગેટ 4 ફૂટ ખોલી કુલ 13 ગેટ વાટે 1,73,930 કયુસેક જેટલું પાણી તાપી નદીમાં છોડવામાં આવી રહ્યું છે,  જેને લઈ તાપી નદી ની આસપાસ આવેલ ગામો ને એલર્ટ કરવામાં આવ્યા છે. અને નીચાણવાળા વિસ્તારમાં ન જવા ગામ લોકોને સાવચેત કરવામાં આવ્યા છે.

હાલ ઉકાઈ ડેમની સપાટી પર એક નજર કરીએ તો તા.22મી સપ્ટેમ્બર નારોજ સવાર ના 9:00 વાગ્યા સુધી ઉકાઈ ડેમની સપાટી 343.61 ફૂટ પર પહોચી છે. જયારે ડેમમાં પાણી આવક 121448 કયુસેક છે. તેની સામે 1,73,930 કયુસેક જેટલું પાણી તાપી નદીમાં છોડવામાં આવી રહ્યું છે.