વડાપ્રધાનશ્રી નરેન્દ્ર મોદીનો આજે 106મો 'મન કી બાત' કાર્યક્રમ હતો જેમાં તેમણે કહ્યું હતું કે, દેશમાં તહેવારોને લઈને ઉત્સાહ છે અને આગામી તહેવારો માટે હું દેશવાસીઓને શુભેચ્છા પાઠવું છું. આ ઉપરાંત તેમણે તહેવારો પર માત્ર સ્વદેશી સમાન ખરીદવાની વાત કરી હતી. વડાપ્રધાનશ્રી નરેન્દ્ર મોદીએ 'મન કી બાત' કાર્યક્રમમાં કહ્યું હતું કે, ગાંધી જયંતિના અવસરે દિલ્હીમાં ખાદીનું રેકોર્ડ વેચાણ થયું છે તે વોકલ ફોર લોકલ અભિયાનની તાકાત છે. આ ઉપરાંત વડાપ્રધાશ્રી નરેન્દ્ર મોદીને તહેવારો પર માત્ર સ્વદેશી વસ્તુઓ ખરીદવાની અપીલ પણ કરી હતી જેથી તમામ દેશવાસીઓ તેનો લાભ મળી શકે. આ સિવાય વડાપ્રધાનશ્રી નરેન્દ્ર મોદીએ સરદાર વલ્લભભાઈ પટેલને પણ યાદ કર્યા હતા અને કહ્યું હતું કે, તેમણે 580થી રજવાડાઓને જોડવામાં મહત્વની ભૂમિકા ભજવી હતી. તારીખ 31મી ઓક્ટોબર લોખંડી પુરુષ સરદાર વલ્લભભાઈ પટેલની જન્મજયંતિ હોવાથી ખાસ દિવસ છે તેમ વડાપ્રધાશ્રી નરેન્દ્ર મોદીને ઉમેર્યું હતું.