કોરોના દર્દીઓના આંકડાઓમાં ઘણા સમયથી વધ-ઘટ ચાલતી હોવાથી આરોગ્ય તંત્રનું ધ્યાન દોરવામાં આવ્યું હતું. આજરોજ આરોગ્ય વિભાગ દ્વારા સત્તાવાર માહિતી આપતા તાપી જીલ્લા આરોગ્ય અધિકારી ડો.હર્ષદભાઈ પટેલ એ જણાવ્યું હતું કે, તા.9મી ઓકટોબર નારોજ તાપી જીલ્લામાં કોરોના ના વધુ 4 કેસ નોંધાયા છે. આ સાથે જીલ્લામાં પોઝીટીવ દર્દીઓનો કુલ આંક 644 થયો છે.

 

તાપી જીલ્લામાં કોરોનાની સારવાર દરમિયાન આજદિન સુધી કુલ 38 દર્દીઓના મોત નીપજ્યા છે. આજે વધુ 3 દર્દી સાજા થયા અત્યાર સુધી કુલ 572 દર્દીઓ કોરોના સામે જંગ જીત્યા છે. જયારે થી 34 થી વધુ દર્દીઓ કોરોના સામે લડી રહ્યા છે. આજે વ્યારા અને વાલોડમાં 2-2 કેસ મળી કુલ 4 કેસ સરકારી ચોપડે નોંધાયા છે. કોરોના પોઝીટીવ દર્દીઓના સંપર્કમાં આવેલા વ્યક્તિઓને હોમ ક્વોરેન્ટાઇન કરી સર્વેની કામગીરી હાથ ધરવામાં આવી છે.

 

(1) 22 વર્ષિય પુરુષ, હનુમાન ફળિયું,અલગટ-વાલોડ 

(2) 35 વર્ષિય પુરુષ, ઉપલુ ફળિયું,દેગામા-વાલોડ 

(3) 38 વર્ષિય પુરુષ, લક્ષ્મી પાર્ક-વ્યારા 

(4) 45 વર્ષિય પુરુષ, રામજી મંદિર પાછળ-વ્યારા