જીવલેણ કોરોનાનો હવે તાપી જીલ્લામાં કોઈને ડર રહ્યો નથી અને લોકો બિન્દાસ્ત થઈ ફરીથી પોતાના રાબેતા મુજબ કામ ધંધામાં તેમજ હરવા ફરવા લાગ્યા છે. અને કોરોનાની રફતાર પણ ઓછી થઈ હોય તેમ પોઝિટિવ કેસની સંખ્યા પણ ઘટી રહી છે પરંતુ જે રીતે લોકો સોસિયલ ડિસ્ટન્ટ કે માસ્ક વગર બિન્દાસ્ત હરવા ફરવા લાગ્યા છે. તે એક ચિંતાનો વિષય બન્યો છે.

જોકે આજરોજ તાપી જિલ્લામાં કોરોના પોઝીટીવનો એકપણ નવો કેસ નોંધાયો નથી, જીલ્લા આરોગ્ય અધિકારી ડો,હર્ષદભાઈ પટેલના જણાવ્યા અનુસાર આજદિન સુધી જિલ્લામાં કોરોના પોઝીટીવના 800 થી વધુ દર્દીઓ નોંધાયા છે. વધુ 3 દર્દીઓ સાજા થતા રજા આપવામાં આવી છે, અત્યાર સુધી કુલ 785 દર્દીઓ સાજા થયા છે. હાલ 14 દર્દીઓ કોરોનાની સારવાર લઇ રહ્યા છે, કોરોનાની સારવાર દરમિયાન કુલ 41 દર્દીઓના મોત નીપજ્યા છે.જીલ્લામાંથી આજે કોરોના વાયરસના શંકાસ્પદ દર્દીઓના 387 સેમ્પલ લેવામાં આવ્યા છે.