કોરોનાના કહેર વચ્ચે આજરોજ તાપી જીલ્લામાં કોરોના પોઝીટીવ નો એકપણ કેસ નોંધાયો નથી, જેને લઇ આરોગ્ય વિભાગે અને લોકોએ રાહતનો શ્વાસ લીધો છે.

જીલ્લા આરોગ્ય અધિકારી ડો,હર્ષદભાઈ પટેલના જણાવ્યા અનુસાર આજદિન સુધી જીલ્લામાં કોરોના પોઝીટીવ ના કુલ 686 કેસ નોંધાયા છે, આજરોજ વધુ 3 દર્દીએ કોરોના ને મ્હાત આપી, અત્યાર સુધી કુલ 631 દર્દીઓ સાજા થયા છે. કોરોનાની સારવાર દરમિયાન કુલ 40 દર્દીઓના મોત નીપજ્યા છે. હાલ 12 દર્દીઓ કોરોનાની સારવાર લઇ રહ્યા છે.આજરોજ જીલ્લામાંથી કોરોના વાયરસના શંકાસ્પદ દર્દીઓના 321 સેમ્પલ લેવાયા છે.