જીવલેણ કોરોનાનો હવે બારડોલીમાં કોઈને ડર રહ્યો નથી અને લોકો બિન્દાસ્ત થઈ ફરીથી પોતાના રાબેતા મુજબ કામ ધંધામાં તેમજ હરવા ફરવા લાગ્યા છે. અને કોરોનાની રફતાર પણ ઓછી થઈ હોય તેમ પોઝિટિવ કેસની સંખ્યા પણ ઘટી રહી છે પરંતુ જે રીતે બારડોલીમાં લોકો સોસિયલ ડિસ્ટન્ટ કે માસ્ક વગર બિન્દાસ્ત હરવા ફરવા લાગ્યા છે. તે એક ચિંતાનો વિષય બન્યો છે.

આરોગ્ય વિભાગ પાસેથી મળતી માહિતી અનુસાર તા.26-ઓકટોબર નારોજ બારડોલી નગર સહિત તાલુકામાં કોરોના પોઝીટીવ ના વધુ 13 કેસ નોંધાયા છે. આ સાથે પોઝીટીવ દર્દીઓનો કુલ આંક 1640 પર પહોચી ચુક્યો છે. જે પૈકી કુલ 1556 દર્દીઓ સાજા થતા ડિસ્ચાર્જ કરાયા છે,

હાલ 46 દર્દીઓ કોરોનાની સારવાર લઈ રહ્યા છે. કોરોનાની સારવાર દરમિયાન આજદિન કુલ 38 દર્દીઓના મોત નીપજ્યા છે. આજે કોરોના વાયરસના શંકાસ્પદ દર્દીઓના 212 સેમ્પલ લેવાયા છે.