કોરોના મહામારી (કોવિડ-૧૯)ના સંક્રમણને રોકવા માટે સરકારશ્રીની સુચનાઓનું નવસારી જિલ્લામાં ચુસ્તપણે પાલન થાય તે માટે જિલ્લા વહીવટીતંત્ર દ્વારા ગંભીરતાથી વિવિધ કામગીરી કરવામાં આવી રહી છે. જે અનુસંધાને જિલ્લામાં અત્યાર સુધી કોરોના મહામારીના શંકાસ્પદ વ્યક્તિઓના ૨૮૫૮૭ જેટલા સેમ્પલ લેવામાં આવ્યા છે.

જિલ્લામાં આજે નવા ૧૨ કેસ નોંધાયાં છે. આજદિન સુધીમાં કુલ ૮૯૬ પોઝીટીવ કેસો નોંધાયા છે. જિલ્લામાં કુલ ૮૪ કોવીડ હોસ્પીટલમાં ઍક્ટીવ કેસ છે. આજદિન સુધી ૭૨૨ દર્દીઓને રજા આપવામાં આવી છે. કોરોનાથી અત્યાર સુધી ૯૦ ના મૃત્યુ થયા છે.