તાપી જિલ્લામાં આજરોજ કોરોના પોઝીટીવ દર્દીના વધુ ૫ નવા કેસ સામે આવ્યા છે. જોકે વધુ ૪ દર્દીઓ સાજા થતા રજા આપવામાં આવી છે.મળતી માહિતી અનુસાર તાપી જિલ્લામાં બુધવાર નારોજ સાંજ સુધીમાં કોરોના દર્દીના વધુ ૫ કેસ સરકારી ચોપડે નોંધાયા છે. વાલોડના કલમકુઈ ગામે ૯ વર્ષીય બાળા,વ્યારાના સરૈયા ગામના દાદરી ફળીયામાં ૩૯ વર્ષીય પુરુષ, વ્યારાના ઘેરીયા વાવ ગામના પટેલ ફળીયામાં ૨૪ વર્ષીય  મહિલા,વ્યારાના મગરકુઈ ગામના ઉપલું ફળીયામાં ૫૮ વર્ષીય પુરુષ અને વ્યારાના કેળકુઈ ગામના કોકણવાડમાં ૨૬ વર્ષીય એમ કુલ ૫ દર્દીઓના કોરોના રીપોર્ટ પોઝીટીવ આવ્યો છે, જોકે વધુ ૪ દર્દીઓ સાજા થતા રજા આપવામાં આવી છે, હવે જિલ્લામાં કોરોના પોઝીટીવ દર્દીઓના કુલ ૨૪ કેસ એક્ટિવ છે.