નર્મદા જિલ્લામાં કોરોનાનું સંક્રમણ વધી રહ્યું છે. ગ્રામ્ય વિસ્તારમાં કોરોના પોઝિટિવ કેસો મળી રહ્યા છે નર્મદા જિલ્લામાં સોમવારે નવા 11 દર્દીઓ કોરોના પોઝિટિવ નોંધાયા છે.

આરોગ્ય વિભાગના એપેડમિક અધિકારી ડો.આર.એસ. કશ્યપ પાસે થી મળતી માહિતી મુજબ નર્મદા જિલ્લામાં સોમવારે 11 નવા દર્દી કોરોના પોઝિટિવ કેસ નોંધાયા છે. જેમાં રાજપીપળા ના દરબાર રોડ 1, ટેકરા પોલીસ લાઈન 1, નાંદોદ તાલુકાના રસેલા 2, શહેરાવ 1, ગરુડેશ્વર માં 2, કેવડિયા કોલોની 1 અને તિલકવાડા 1 જલોદરા 2 મળી નર્મદા જિલ્લામાં કુલ 11 દર્દી કોરોના પોઝિટિવ નોંધાયા છે.

રાજપીપળા કોવિડ હોસ્પિટલમાં મરણ પામેલા દર્દી ની કુલ સંખ્યા-3 છે, જ્યારે 22 દર્દીઓ સારવાર હેઠળ છે, કોવિડ કેર સેન્ટર માં 23 દર્દી દાખલ છે. જ્યારે હોમ આઇસોલેશન માં 5 દર્દી દાખલ છે આજે 12 દર્દી સાજા થતા રજા અપાઈ છે આજદિન સુધી નર્મદા જિલ્લામાં કુલ 948 દર્દીઓ સાજા થતા રજા આપવામા આવી છે. જિલ્લામાં કોરોના પોઝિટિવ નો કુલ આંક 1001 પર પહોચ્યો છે. આજે વધુ 425 સેમ્પલ ચકાસણી હેઠળ છે. (ભરત શાહ દ્વારા રાજપીપળા)