વડોદરામાં વ્યાજખોરના ત્રાસથી કંટાળી એક યુવકે આપઘાતનો પ્રયાસ કર્યો હતો જેનું મંગળવારે સારવાર દરમિયાન મોત થયું હતું. શહેરની ક્રાઇમ બ્રાન્ચે આ કેસમાં ગુન્હો નોંધી સાજન છોટિયા, સુરેશ છોટિયા અને વિઠ્ઠલ છોટિયાની ધરપકડ કરી છે.

બનાવની વિગત એવી છે કે, વ્યાજખોરના ત્રાસથી ચેતન વાળંદ નામના વ્યક્તિએ આપઘાતનો પ્રયાસ કર્યો હતો. સારવાર માટે ચેતન વાણંદને ગોત્રી હોસ્પિટલમાં દાખલ કરવામાં આવ્યો હતો. જ્યાં 6 દિવસની સારવાર બાદ તેનું મોત નીપજ્યું હતું. વડોદરા ક્રાઇમ બ્રાન્ચે આ કેસમાં વ્યાજખોરો સામે ગુન્હો નોંધી તેમની તાત્કાલિક ધરપકડ કરી હતી.