સોનગઢના જેકે ગેટ પાસેથી કારમાં સવાર ત્રણ નબીરાઓને દારૂ પીધેલા હાલતમાં પોલીસે ઝડપી પાડી ત્રણેય સામે કાયર્વાહી હાથ ધરી હતી.

 

 

 

 

મળતી માહિતી અનુસાર સોનગઢ પોલીસ સ્ટાફના માણસો રવિવારની રાત્રીના સમયે પીસીઆર વાનમાં પેટ્રોલીંગમાં હતા તે દરમિયાન સોનગઢના જેકે ગેટ પાસેથી એક કારનો ચાલક પોતાની કબજાની સ્વીફ્ટ કાર નંબર જીજે/19/એએમ/9209 ને વાંકીચુકી હંકારી લઈ આવતો હોય પોલીસે કારને અટકાવી તપાસ કરતા ત્રણ ઈસમો (1) નયનભાઈ પોબતભાઈ જાના અને (2) મોહનભાઈ ભુભનભાઈ જાના બંને હાલ રહે, સાંઈ વાટિકા તા.બારડોલી તેમજ (3) મનીન્દ્રભાઈ ચંદ્રમોહનભાઈ જાના રહે,મજુરા-સુરત, નાઓ દારૂ જેવા કોઈ કેફી પીણું પીધેલ હાલતમાં ઝડપાઈ ગયા હતા.

 

 

 

બનાવ અંગે પોલીસકર્મીની ફરિયાદના આધારે ત્રણેય નબીરાઓ સામે કાયદેસરની કાર્યવાહી હાથ ધરવામાં આવી હતી.