તાપી જિલ્લાના ડોલવણ તાલુકાના જામલીયા ચોકડીથી કરંજખેડ ગામ તરફ જતા રસ્તા ઉપર આઇ ટ્વેન્ટી કારના ચાલકે મોટરસાયકલને અડફેટમાં લેતા ચાલક પિંકલભાઈ ફુલચંદભાઈ કોંકણી (ઉ.વ.૨૧.,રહે.ધોળકા,તા.ડોલવણ)ને રોડ ઉપર પટકાતા પગના ઘુંટથી નીચેના ભાગે ફેકચર થયું હતું.

આ મોટરસાયકલની પાછળ આવતી અન્ય એક સ્પ્લેન્ડર મોટરસાયકલને પણ આ કારે અડફેટમાં લેતા જેના ઉપર સવાર અજીતભાઈ તથા તેમની પાછળ બેઠેલી તેમની પત્ની પુનમબેન રોડ ઉપર પટકાતા જેઓને ફ્રેકચર તથા શરીરે ગંભીર ઇજા થઇ હતી. જયારે અકસ્માત બાદ કાર સ્થળ ઉપર મુકી ચાલક ભાગી ગયો હતો. ઈજાગ્રસ્તોને સારવાર માટે ખસેડવામાં આવ્યા હતા. અકસ્માત અંગે ઈજાગ્રસ્ત પિંકલ કોંકણીએ કાર ચાલક સામે પોલીસ મથકે ફરિયાદ કરી હતી.