અમદાવાદમાં આજે મોટી દુર્ઘટના સર્જાઈ છે જેમાં એક નિર્માણાધિન બિલ્ડિંગ સાઈટ પર પાલક તૂટતા ત્રણ શ્રમિકોનાં મોત થયા છે. જયારે શહેરના ઘુમા વિસ્તારમાં આ દુર્ઘટના બની છે. આ દુર્ધટનાની સ્થળ ઉપરથી મળતી વિગત મુજબ, ઘુમા વિસ્તારમાં આવેલી ઝવેરી ગ્રીન્સ નામની કન્ટ્રક્શન સાઈટ પર દુર્ઘટના બની હતી. આ નિર્માણાધિન બિલ્ડિંગના 12માં માળે પાલક તૂટતા ત્રણ શ્રમિકો નીચે પટકાયા  હતા જેને તાત્કાલિક ધોરણે હોસ્પિટલ ખસેડવામાં આવ્યા હતા, જ્યાં ત્રણેયની સારવાર મળે તે પહેલા જ મૃત્યુ પામ્યા હતા. હાલ આ દુર્ઘટનાને પગલે ઘુમા પોલીસની ટીમ ઘટના સ્થળે દોડી આવી છે અને ઘટનાની વધુ તપાસ હાથ ધરી છે. પ્રાથમિક વિગત મુજબ આ ત્રણેય શ્રમિકો ઉત્તર પ્રદેશના રહેવાસી હોવાનું જાણવા મળ્યું છે જેના નામ સંદીપ, રાજુ અને અમિત હતા.