મનિષા એસ. સુર્યવંશી/તાપી : ઉચ્છલનાં ટોકરવા ગામનાં મોટા ફળિયામાં એક ખાલી પડેલ મકાનની પાછળ આવેલ ખુલ્લી જગ્યામાં જાહેરમાંથી જુગાર રમતા ત્રણ જુગારીઓને જુગાર રમતા ઝડપી પાડી કાયદેસરની કાર્યવાહી હાથ ધરી હતી. મળતી માહિતી મુજબ, ઉચ્છલ પોલીસ સ્ટાફનાં માણસો બુધવારનાં રોજ બપોરનાં સમયે ખાનગી વાહનમાં બેસી પ્રોહી. તથા જુગાર અંગેની રેઈડમાં નીકળેલ હતા.

તે દરમિયાન ખાનગી રાહે બાતમી મળી હતી કે, ટોકરવા ગામનાં મોટા ફળિયામાં રહેતા અબ્દુલભાઈ મોગ્યાભાઈ વસાવાના ખાલી પડેલ મકાનની પાછળ આવેલ ખુલ્લી જગ્યામાં જાહેરમાં કેટલાક ઈસમો ગંજી પાનાનો પૈસાવતી હારજીતનો જુગાર રમે છે.

જે બાતમીનાં  આધારે પોલીસ સ્ટાફનાં માણસો બાતમીવાળી જગ્યા પર પહોંચી રેઈડ કરતા ત્યાં ગોળ કુંડાળું બનાવી ગંજીપાનાનો પૈસા વતી હારજીતનો જુગાર રમતા ત્રણ જુગારીઓને ઝડપી પાડી તેમનું નામ પૂછતા સુભાષ ધુલજીભાઈ વસાવા, જલમા શાંતુભાઈ વસાવા અને જેમુ ગોબજીભાઈ વસાવા (ત્રણેય રહે.ટોકરવા ગામ, મોટું ફળિયું, તા.ઉચ્છલ)નાં હોવાનું જણાવ્યું હતું. આમ, પોલીસે સ્થળ પરથી જુગાર રમવાના સાધનો તેમજ રોકડ રૂપિયાનો મુદ્દામાલ કબ્જે કર્યો હતો. બનાવ અંગે પોલીસે ઝડપી પાડેલ ત્રણેય જુગારીઓ સામે જુગાર ધારાની કલમ હેઠળ ગુનો નોંધી કાર્યવાહી હાથ ધરી હતી.