મનિષા એસ. સુર્યવંશી/તાપી : ઉચ્છલનાં પાંખરી ગામનાં નિશાળ ફળીયામાંથી ગેરકાયદેસર રીતે જુગાર રમતા ત્રણ જુગારીઓ ઝડપાતા કાર્યવાહી હાથ ધરવામાં આવી હતી.

મળતી માહિતી મુજબ, ઉચ્છલ પોલીસ સ્ટાફના માણસો તારીખ 11/૦3/2024નાં રોજ હાઈવે બીટ વિસ્તારમાં ખાનગી વાહનમાં બેસી પ્રોહી. તથા જુગાર અંગેની રેઈડમાં નીકળ્યા હતા તે દરમિયાન ખાનગી રાહે બાતમી મળી હતી કે, પાંખરી ગામમાં રહેતા આશિષ સંતાભાઈ ગામીત નાઓના રહેણાંક મકાનની આગળ આવેલ ખુલ્લી પંજારીનાં ભાગે જાહેરમાં કેટલાક ઈસમો ગંજી પાનાનો પૈસાવતી હાર જીતનો જુગાર રમે છે જે બાતમીના આધારે પોલીસ સ્ટાફનાં માણસો બાતમીવાળી જગ્યા પર પહોંચતા ત્યાં કેટલાક ઈસમ ગોળ કુંડાળું કરી જુગાર રમતા હતા જેમાં પોલીસે જુગાર રમતા આશિષ સંતાભાઈ ગામીત (રહે.પાંખરી ગામ, નિશાળ ફળિયું, ઉચ્છલ), સુનીલ મકાનજીભાઈ ગામીત (રહે.ગુણસદા ગામ, નવાગામ ફળિયું, સોનગઢ) અને દિનેશ મલુભાઈ ગામીત (રહે.પાંખરી ગામ, નિશાળ ફળિયું, ઉચ્છલ)નાઓને ઝડપી પાડી તેમની પાસેથી જુગાર રમવાનો સાધનો સહીત રોકડ રૂપિયા કબ્જે કરવામાં આવ્યો હતો. બનાવ અંગે પોલીસે ઝડપાયેલ ત્રણેય જુગારીઓ વિરુદ્ધ જુગાર ધારાની કલમ હેઠળ ગુનો નોંધી કાયદેસરની કાર્યવાહી હાથ ધરવામાં આવી હતી.