વ્યારાના વૃંદાવન ધામ સોસાયટીમાં 23 વર્ષીય પરણિતાના હત્યાના કેસમાં સનસનીખેજ ખુલાસો થયો છે. આંતરજ્ઞાતિય લગ્નનો દ્વેષભાવ રાખી સાસુ અને સસરાએ જ વહુની હત્યા કરાવી હોવાનું પોલીસની તપાસમાં સામે આવ્યું છે.

મળતી માહિતી મુજબ અંજલી કોળી નામની આ પરણિતાનો મૃતદેહ તેના ઘરેથી મળ્યો હતો. આ અંગે મૃતક પરણીતાના પિતાએ સાસરિયાઓ વિરૂદ્ધ ફરિયાદ નોંધાવી હતી. શરૂઆતમાં તેના સાસરી પક્ષે દલીલ કરી હતી કે તાવની દવા પીતા તેનું મોત થયુ છે, જોકે પોસ્ટમોર્ટમ રિપોર્ટમાં મોઢું દબાવી હત્યા થઈ હોવાનો ખુલાસો થયો હતો.

પરણીતાની હત્યાની ઘટનાને અંજામ આપવા સાસુ-સસરાએ સંબંધીને બે લાખમાં હત્યાની સોપારી આપી હોવાનું ખુલાસો થયો છે, વ્યારાના વૃંદાવન ધામ સોસાયટીમાં પરણીતા અંજલી કોળીનો મૃતદેહ ઘરમાંથી મળી આવ્યો હતો જેમાં પ્રાથમિક તબક્કે અકસ્માતમાં મોતનું ગુનો દાખલ કરી ફોરેન્સિક પીએમ કરવામાં આવ્યું હતું, પોલીસે તપાસ કરતાં સાસુ અને સસરાએ પુત્રવધુની હત્યા આંતરજ્ઞાતિ લગ્નનો દ્રેષભાવ રાખી હત્યા કરી હોવાનું સામે આવ્યું છે.

હત્યાને અંજામ આપવા પહેલા સાસુ મકાન બહાર બેસીને દેખરેખ કરી રહી હતી જ્યારે સસરાએ પુત્રવધુ ના પગ પકડ્યા તો હત્યાની સોપારી લેનાર દૂરના સબંધીએ તકિયા વડે અંજલીનું મોડું દબાવી હત્યા કરી હોવાનો ખુલાસો થયો છે. પોલીસના જણાવ્યા મુજબ આરોપી સસરો સંભાજીભાઈ કોળીએ તેમના ઓળખીતા સગા હીરાલાલભાઈ ઉર્ફે અન્નાને કુલ રૂપિયા 2 લાખ આપી ખૂનના ગુનામાં મદદરૂપ તથા અંજામ આપવામાં માટે થઇ સોપારી આપી હતી.