વાપી ઉદ્યોગનગર પોલીસની ટીમ પેટ્રોલીંગમાં હતી ત્યારે તેને બાતમી મળી હતી કે, વાપી જીઆઈડીસી સેકન્ડ ફેસ, મમતા કાંટાની સામે રોડની સાઈડમાં ખુલ્લી જગ્યામાં મોબાઈલ ફોન ઉપર એપ્લીકેશનથી જુગાર રમાઈ રહ્યો છે. તેથી પોલીસે આ બાતમીવાળા સ્થળે છાપો મારી ત્યા મોબાઈલ ફોન વચ્ચે મુકી કુંડાળુવાળી બેસેલા ત્રણ ઈસમોને જુગાર રમતા રંગેહાથ ઝડપી પાડયા હતાં. તેમના મોબાઈલમાં ગેમ ચાલુ હતી અને દાવ ઉપર લગાવેલ ચલણી નોટ પણ હતી. તેથી પોલીસે આ ત્રણેય ઈસમ નામે પીન્ટુ નાનુભાઈ માહ્યાવંશી (રહે.તીઘરા દેસાઈવાડ), બ્રીજેશ જંગબહાદુર ગુપ્તા (રહે.મહેશભાઈની ચાલી, બલીઠા) તથા અરૂણ ભરતસિંગ (રહે.બલીઠા ગામ, વાપી)ની ધરપકડ કરી વાપી જીઆઈડીસી પોલીસ મથકે ગુનો નોંધ્યો હતો.