દિવાળીથી દેશના અનેક મોટા શહેરો પ્રદૂષણની ઝપેટમાં છે. શનિવારે પંજાબના અમૃતસરની સરેરાશ એર ક્વોલિટી ઈન્ડેક્સ (AQI) ફરી એકવાર 350ને વટાવી ગઈ હતી. આ ઉપરાંત અમૃતસર શનિવારે દેશનું સૌથી પ્રદૂષિત શહેર રહ્યું હતું. દિવાળીના ફટાકડાના કારણે દેશના દસ પ્રદૂષિત શહેરોમાં દિલ્હી સહિત NCRના ત્રણ શહેરોનો સમાવેશ કરવામાં આવ્યો હતો. અમૃતસરમાં સરેરાશ AQI 364 નોંધાયો હતો, જ્યારે લુધિયાણામાં AQI 339 હતો. હરિયાણાનું જીંદ દેશના પ્રદૂષિત શહેરોમાં ત્રીજા ક્રમે હતું જ્યાં સરેરાશ AQI 337 નોંધવામાં આવ્યો હતો. શનિવારે સવારે 11 વાગ્યે અમૃતસરમાં મહત્તમ AQI 605 પર પહોંચ્યો હતો.

લુધિયાણા અને જલંધરમાં મહત્તમ AQI પણ 500 રહ્યો છે. રાજસ્થાન અને મહારાષ્ટ્રમાં વધુ શહેરો છે. દિવાળી પહેલા 51 શહેરોમાં હવાની ગુણવત્તા સારી હતી. જ્યારે દિવાળી પછી માત્ર 26 શહેરોમાં હવાની ગુણવત્તા સારી રહી હતી. ખૂબ જ ખરાબ એર ઈન્ડેક્સ ધરાવતા શહેરોની સંખ્યા આઠથી વધીને 50 થઈ ગઈ છે. ગીચ વસ્તીવાળા શહેરોમાં પ્રદૂષણ વધુ હતું. દિલ્હીમાં સુધારા બાદ એર ઈન્ડેક્સ વધવા લાગ્યો અને શનિવારે સાંજે 4 વાગ્યે દિલ્હીનો એર ઈન્ડેક્સ 316 પર પહોંચી ગયો, જે આગલા દિવસની સરખામણીએ 23 પોઈન્ટ ઓછો છે. પરંતુ રાત્રે આઠ વાગ્યે દિલ્હીનો એર ઈન્ડેક્સ 350 સુધી પહોંચી ગયો હતો. રાત્રે 8 વાગ્યે આનંદ વિહાર અને સોનિયા વિહારમાં એર ઈન્ડેક્સ અનુક્રમે 411 અને 402 હતો. ઉલ્લેખનીય છે કે, શ્વાસને લગતી બીમારીથી પીડિત લોકો માટે અત્યારે ગુજરાતમાં હવા ઝેરી બની છે. વાયુ પ્રદૂષણ તમામ ઉંમરના લોકોમાં સ્વાસ્થ્ય સમસ્યાઓમાં વધારો કરી શકે છે. શ્વાસ સંબંધી સમસ્યાઓ ઉપરાંત તે શરીરના તમામ અંગો માટે પણ હાનિકારક છે. પ્રદૂષિત વાતાવરણની સૌથી વધુ અસર બાળકો અને વૃદ્ધોના સ્વાસ્થ્ય પર જોવા મળે છે.