મનિષા એસ. સુર્યવંશી/તાપી : સોનગઢનાં ભીમપુરા ગામનાં દેવળ ફળિયામાં ઘરનાં આંગણે મુકેલ બાઈકની ચોરી થયાની ફરિયાદ ઉકાઈ પોલીસ મથકે નોંધવામાં આવી હતી. મળતી માહિતી મુજબ, સોનગઢ તાલુકાનાં ભીમપુરા ગામનાં દેવળ ફળિયામાં રહેતા યાકુબભાઈ છિતિયાભાઈ ગામીત નાઓએ ગત તારીખ 29/04/2024નાં રોજ બાઈક નંબર GJ/19/Q/2607 જેની કિંમત રૂપિયા 15 હજાર હતી જે પોતાના ઘરે પાર્ક કરી હતી. જોકે આ પાર્ક કરેલ બાઈક કોઈ અજાણ્યો ચોર ઈસમ ચોરી કરી ફરાર થઈ ગયો હતો. બનાવ અંગે યાકુબભાઈ ગામીત નાંએ અજાણ્યા ચોર ઈસમ વિરુદ્ધ ઉકાઈ પોલીસ મથકે ફરિયાદ નોંધાવતા પોલીસે ગુનો નોંધી કાયદેસરની કાયવાહી હાથ ધરી હતી.