ડાંગના આહવા ખાતે આવેલા પોલીસ સ્ટેશનનાં મહિલા કોન્સ્ટેબલના ઘરમાંથી દિનદહાડે ચોરીએ ૭૭ હજાર રૂપિયાનો હાથફેરો કર્યો હતો. ઘરની ચાવી ડોરબેલ પાસે મુકી હતી. જેનાથી ચોર દરવાજો ખોલી ઘરમાં ઘૂસ્યો હતો. જેથી આ ચોરી કોઈ જાણભેદુએ જ કરી હોવાની શંકા સેવાઈ રહી હતી.

મળતી માહિતી મુજબ, આહવા પોલીસ સ્ટેશનની મહિલા પોલીસ કોન્સ્ટેબલ જયશ્રીબેન આનંદભાઈ બાગુલ (રહે.વેરિયસ કોલોની, આહવા, તા.આહવા, જિ.ડાંગ) રાબેતા મુજબ પોતાની નોકરી પર ગયા હતાં અને તેમનો દીકરો આદર્શ વાળ કાપવવા માટે આહવા ટાવરમાં ડોરબેલ પાસે મૂકેલી ચાવીથી ઘર ખોલી ચોર ધાપ મારી ગયો હોવાથી તેણે ચાવી ડોર બેલ પાસે મૂકી હતી.

જોકે તેઓ બપોરે જમવા માટે પરત ઘરે આવ્યા ત્યારે ઘરના પાછળના ભાગ `રસોડાનો દરવાજો ખુલ્લો હતો અને બારી પણ અડધી ખુલ્લી જોવા મળી હતી. ત્યારે ઘરમાં કોઈ ઘુસ્યું હોવાનું જણાતાતેમણે લાકડાનો કબાટ ખોલીને જોયો હતો ત્યારે લોક પણ તૂટેલું હતું. જે બાદ કબાટમાં તપાસ કરતા રોકડ ૭૭ હજાર રૂપિયા જોવા મળ્યા ન હતાં. જોકે અન્ય કીમતી ચીજ વસ્તુઓ સહી સલામત જોવા મળી હતી. બનાવ અંગે મહિલા કોન્સ્ટેબલે આહવા પોલીસ મથકે ફરિયાદ નોંધાવતા આહવા પોલીસની ટીમે ચોરીનો ગુનો નોંધી આગળની કાર્યવાહી હાથ ધરી હતી.