મનિષા એસ. સુર્યવંશી/તાપી : સોનગઢનાં જમાદાર ફળિયામાં આવેલ મંદિરમાં દાન પેટી તોડી રૂપિયાની ચોરી થતાં અજાણ્યા ચોર ઈસમ સામે પોલીસ ફરિયાદ કરવામાં આવી છે. મળતી માહિતી મુજબ, સોનગઢ નગરનાં જમાદાર ફળિયામાં નાગનાથ મહાદેવ મંદિર તથા હનુમાનજી મંદિર માંથી ગત તારીખ 02/08/2023નાં રોજ કોઈ અજાણ્યા ચોર ઇસમે ધર્મદા દાન પેટી તોડી તેમાંથી પરચુરણ સીલક આશરે રૂપિયા 6,000/-ની ચોરી કરી ફરાર થઈ ગયો હતો. બનાવ અંગે શરદ રતિલાલ ગુરવ નાએ તારીખ 05/08/2023નાં રોજ અજાણ્યા ચોર ઈસમ વિરુદ્ધ સોનગઢ પોલીસ મથકે ફરિયાદ નોંધાવતા પોલીસે ગુનો નોંધી આગળની વધુ તપાસ હાથ ધરી છે.