તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો તારીખ 01/05/2024નાં રોજ ખાનગી રાહે બાતમી મળી હતી કે, વ્યારા પોલીસ સ્ટેશનનાં ચોરીનાં ગુન્હામાં નાસતો ફરતો વોન્ટેડ આરોપી સિધ્ધાંત ઉર્ફે સિંધુ રાજુભાઈ મરાઠે (રહે.નવાપુર ભગતવાડી, તા.નવાપુર, જિ.નંદુરબાર) હાલમાં સરઢવ ગામ ખાતે આવેલ પોતાની પત્નીના ઘરે છે. જે બાતમીનાં પોલીસ સ્ટાફના માણસો ગાંધીનગર જિલ્લાનાં સરઢવ ગામ ખાતેથી વ્યારા પોલીસ મથકનો ચોરીના ગુનાહનો નાસતો ફરતો વોન્ટેડ આરોપી સિધ્ધાંત ઉર્ફે સિંધુ રાજુભાઈ મરાઠેને ઝડપી પાડ્યો હતો તેમજ વધુ કાર્યવાહી માટે વ્યારા પોલીસ મથકે સોપવામાં આવ્યો હતો.