સુરત જિલ્લાનાં કામરેજ તાલુકાનાં નવી પારડી ગામની સીમમાં નેશનલ હાઇવે નંબર 48 પર આવેલ સુગર ફેકટરી પાસે ટ્રક ખાડામાં ખાબકી હતી. જયારે નવી પારડી નજીક નેશનલ હાઈવે પર લક્ઝરી બસનાં ચાલકે ટ્રકને ટક્કર મારતાં ટ્રક 50 ફૂટ જેટલા ઊંડા ખાડામાં જઈ ખાબકી હતી. ટ્રકને ટક્કર મારતાં અકસ્માતનાં પગલે લક્ઝરી બસ ચાલક ફરાર થઈ ગયો હતો. અકસ્માતનાં પગલે ખાડામાં ખાબકેલી ટ્રકમાં સવાર ચાલક અને કલીનરનો આબાદ બચાવ થયો હતો. જ્યારે ટ્રકમાં ભરેલી માટીની ગુણો વેર વિખેર હાલતમાં આવી ગઈ હતી. જોકે ખાડામાં ખાબકેલી ટ્રકને ક્રેન મારફતે બહાર કાઢવાની તજવીજ હાથ ધરવામાં આવી હતી.