વ્યારામાં પાનવાડી વિસ્તારમાં આવેલ સ્માર્ટ હોમ સોસાયટીના મકાનમાંથી સોના ચાંદી ઘરેણાની ચોરી થઇ હોવાની ફરિયાદ વ્યારા પોલીસ મથકે નોંધાઈ છે.

મળતી માહિતી અનુસાર વ્યારા તાલુકાના પાનવાડી વિસ્તારમાં આવેલ સ્માર્ટ હોમ સોસાયટીમાં ઘર નંબર-૧૮માં રહેતા ફરીયાદી પ્રિયંકઅજીતભાઇ ચૌધરીના મકાનમાંથી તા.૩૦/૦૭/૨૦૨૨ થી તા.૩૧/૦૭/૨૦૨૨ ના દરમ્યાન હરકોઇ વખતે કોઇ અજાણ્યા ચોર ઇસમે કોઇ સાધન વડે ફરીયાદીના ઘરના મુખ્ય દરવાજાનો નકુચો તોડી ઘરમાં પ્રવેશ કરી ઉપરના માળે રૂમમાં મુકેલ કબાટ તોડી લોકરમાં મુકેલ(૦૧) સોનાની વી.ટી નંગ ૦૪ કિ.રૂ-૧૨,૦૦૦/-(૦૨) ચાંદીની વી.ટી નંગ ૦૧કિ.રૂ-૨,૦૦૦/-(૦૩) ચાંદીનુ બ્રેસલેટ કિ.રૂ-૩,૦૦૦/-(૦૪) સોનાની બુટ્ટી જોડી નંગ૦૩ કિ.રૂ- ૯,૦૦૦/- (૦૫) ચાંદીના સાંકળાજોડી નંગ ૦૨ કિ.રૂ-૬,૦૦૦/-(૦૬) સોનાનુ ગણપતિજીની ડિઝાઇનવાળુ પેન્ડલ નંગ ૦૧ કિ.રૂ-૪,૦૦૦/-(૦૭) સોનાની બુટ્ટી જોડી નંગ ૦૧કિ.રૂ-૨,૦૦૦/-(૦૮) સોનાની ચેઇન કિ.રૂ-૧૦,૦૦૦/- મળી કુલ કિંમત રૂપિયા-૪૮,૦૦૦/-ના દાગીના ચોરી કરી નાસી જઇ ગયો હતો. બનાવ અંગે પ્રિયંકઅજીતભાઇ ચૌધરીએ વ્યારા પોલીસ મથકે ફરિયાદ નોંધાવી હતી.