આહવા ખાતે આવેલ કાર્યપાલક ઇજનરેની કચેરીના કંપાઉન્ડમાં લાંચની રકમ સ્વીકારતા ગાઢીયા ગામનો સરપંચ એસીબીના હાથે આબાદ ઝડપાઇ ગયો છે.

મળતી માહિતી અનુસાર એસીબીને ફરીયાદ કરનાર જાગ્રત નાગરિકએ આહવા તાલુકાના ગાઢવી ગામમાં ગટર બનાવવાના તથા પેવર બ્લોક રસ્તાના કામ કરાવેલ. જે કામ કરવાના બીલના નાણાં મંજુર થયેલ હતા. તે નાણાંના ચેકમાં સહી કરવા માટે રૂ.૧૭,૫૦૦/- ની લાંચની માંગણી કરતાં ફરીયાદી (જાગ્રત નાગરિક)આ લાંચની રકમ આપવા માંગતા ના હોય, જેથી તેઓએ એસીબી નો સંપર્ક કરી ફરિયાદ આપતા એસીબીએ ફરીયાદના આધારે આજરોજ લાંચના છટકાનું આયોજન કર્યું હતું. જેમાં ગાઢવી ગામનો લાંચીયો સરપંચ ગૌતમભાઈ ભીખાજીભાઇ ગાંગુર્ડ આહવાની કાર્યપાલક ઇજનેરની કચેરીના કમ્પાઉન્ડમાં રૂ.૧૭,૫૦૦/- ની લાંચની માગણી કરી, સ્વીકારતા એસીબીના છટકામાં આબાદ ઝડપાઇ ગયો હતો.