રાજ્યમાં સ્થાનિક સ્વરાજ્યની ચૂંટણીના દોડધામ વચ્ચે રાજ્ય સરકારે ચાર મહાનગરો જેમાં અમદાવાદ, વડોદરા, સુરત અને  રાજકોટમાં રાત્રિ કર્ફ્યુને 28 ફેબ્રુઆરી સુધી લંબાવવાનો નિર્ણય કર્યો છે સાથે જ રાત્રિ કર્ફ્યુમાં લોકોને એક કલાકની રાહત આપવામાં આવી છે. હવે રાત્રે 12 વાગ્યાથી સવારના 6 વાગ્યા સુધી કર્ફ્યુ રહેશે. 

 

 

 

આ નિર્ણય રાત્રિ કર્ફ્યુ મુદ્દે યોજાયેલી ઉચ્ચસ્તરીય બેઠકમાં લેવામાં આવ્યો છે. આ બેઠક નાયબ મુખ્યમંત્રી નીતિન પેટલની અધ્યક્ષતામાં યોજાઇ હતી. જેમાં ગૃહમંત્રી પ્રદિપસિંહ જાડેજા, મુખ્ય સચિવ, મુખ્યમંત્રીના અંગત સચિવ, ડીજીપી સહિતના અધિકારીઓ હાજર રહ્યા હતા. 

 

 

 

આ પહેલા રાજ્ય સરકારે રાત્રિ કર્ફ્યુને 15 ફેબ્રુઆરી સુધી લંબાવ્યો હતો અને તેની સમય મર્યાદા રાત્રિના 11થી સવારના 6 વાગ્યા સુધી નક્કી કરી હતી. જેમાં રાતના સમયે હવે લોકોને એક કલાકની રાહત આપવામાં આવી છે અને કર્ફ્યુને 28 ફેબ્રુઆરી સુધી લંબાવવાનો નિર્ણય કર્યો છે.(ફાઈલ ફોટો)