પશ્ચિમ બંગાળનાં નવા રાજ્યપાલ સી.વી.આનંદ બોઝે આજરોજ શપથ લીધા. તેમણે કોલકાતામાં રાજ્યનાં રાજ્યપાલ તરીકેનો કાર્યભાર સંભાળ્યો. આ દરમિયાન રાજ્યનાં મુખ્યમંત્રી મમતા બેનર્જી હાજર રહ્યા હતા. શપથ લીધા બાદ રાજ્યપાલે સીએમ મમતા સાથે પણ મુલાકાત કરી હતી. આનંદ બોઝ 1977 બેચના નિવૃત્ત ભારતીય વહીવટી સેવા અધિકારી છે. તેઓ 2011માં નિવૃત્ત થયા હતા. તેમને ગત તા.17 નવેમ્બરનાં રોજ પશ્ચિમ બંગાળનાં નવા રાજ્યપાલ બનાવવામાં આવ્યા હતા.

તેમણે આ પોસ્ટ પર લા ગણેશનની જગ્યા લીધી છે. મુખ્યમંત્રી બેનર્જીએ આસામ-મેઘાલય સરહદનાં વિવાદિત સ્થળ પર થયેલી હિંસા અંગે દુઃખ વ્યક્ત કર્યું હતું. મમતાએ ટ્વિટર પર કહ્યું કે, મેઘાલયના મુક્રોહમાં છ લોકોના મોતની દુ:ખદ ઘટનાથી હું ખૂબ જ દુઃખી છું. આ સંઘર્ષમાં જેમણે પોતાના પ્રિયજનોને ગુમાવ્યા છે, તેમના પરિવારો પ્રત્યે હું દિલથી સંવેદના વ્યક્ત કરું છું. હું પ્રાર્થના કરું છું કે, શાંતિ અને સંવાદિતા વધુ સારા માટે પ્રવર્તે છે.