તાપી જિલ્લાના કલેકટર કચેરીના કોન્ફરન્સ હોલ ખાતે જિલ્લા પ્રવાસન વિકાસ સમિતિની બેઠક કલેક્ટર ડો.વિપિન ગર્ગના અધ્યક્ષસ્થાને તથા જિલ્લા વિકાસ અધિકારી વી.એન.શાહ, વ્યારા ધારાસભ્ય મોહનભાઇ કોંકણી તથા ઉચ્ચ અધિકારીઓની ઉપસ્થિતિમાં યોજાઇ હતી. બેઠકમાં અધ્યક્ષસ્થાનેથી કલેક્ટરશ્રી ગર્ગે તાપી જિલ્લાના વિવિધ પ્રવાસન સ્થળોને વધુ સારી રીતે વિકસાવવા, આ સ્થળોએ મનોરંજનને લગતી અને સહેલાણીઓને આકર્ષતી વિવિધ પ્રવૃતિઓનું આયોજન કરવા જણાવ્યું હતું. આ ઉપરાંત તાપી જિલ્લા પ્રવાસન સમિતીની બેઠકમાં જિલ્લામાં પ્રવાસન પ્રવૃતિઓના વિકાસ માટે હાથ ધરવામાં આવેલ વિવિધ વિકાસના કામોની સમીક્ષા કરવામાં આવી હતી. જિલ્લા પ્રવાસન કમિટી દ્વારા પ્રસ્તુત કરેલ વિવિધ મુદ્દાઓ અંગે ચર્ચા કરવામાં આવી હતી.​