અમરેલીના સાવરકુંડલા હાઇવે પર પૂર્વ ધારાસભ્ય વી.વી વઘાસિયાની કારને અકસ્માત નડ્યો હતો. અમરેલીના લાપાળીયા નજીક પૂર્વ કૃષિમંત્રીની કાર અને પેસેન્જર રિક્ષા વચ્ચે અકસ્માત સર્જાયો હતો.અકસ્માતમાં કાર અને રિક્ષાનો બૂકડો બોલી ગયો હતો. ગંભીર પ્રકારનો અકસ્માત સર્જાયો હતો રિક્ષામાં સવાર લોકોને પણ અકસ્માતે ઇજાઓ થવાને કારણે તેમને સારવાર માટે ખસેડવામાં આવ્યા હતા.

જાણવા મળતી માહિતી પ્રમાણે ૩ થી ૪ જેટલા લોકોને વધુ ઇજાઓ થઈ હતી અને અકસ્માતમાં પૂર્વ ધારાસભ્ય વઘાસિયાને ઇજાઓ થઈ હતી. પૂર્વ કૃષિમંત્રી વી.વી વઘાસિયાને સારવાર અર્થે અમરેલી સિવિલ હોસ્પિટલ ખાતે ખસેડવામાં આવ્યા હતા, આ અકસ્માતમાં પેસેન્જર રિક્ષામાં સવાર ૭ મુસાફરોને પહોંચી હતી તમામ ઈજાગ્રસ્તોને અમરેલી સિવિલ હોસ્પિટલ ખાતે ખસેડવામાં આવ્યા​​​​​​​ હતા, પૂર્વ કૃષિ મંત્રી વી.વી.વઘાસીયાની કારનો અકસ્માત સર્જાયાના સમાચાર મળતાં અમરેલી જિલ્લા ભાજપ પ્રમુખ કૌશીક વેકરીયા,સાંસદ નારણ કાછડીયા,દિલીપ સંઘાણી,યુવા ભાજપ પ્રમુખ ચેતન શિયાળ સહિત નેતાઓ મદદ માટે દોડી આવ્યાં હતાં અને હોસ્પિટલમાં તાત્કાલિક સારવાર મળે તે માટેની વ્યવસ્થા કરતાં જોવા મળ્યા હતા.