ડાંગ જિલ્લામાં ફરજ બજાવતા અન્ય જિલ્લાઓના પ્રાથમિક શાળાના શિક્ષકો માટે જિલ્લા ફેર બદલી કેમ્પ સરકારી માધ્યમિક અને ઉચ્ચતર માધ્યમિક શાળા-આહવા ખાતે યોજાઇ ગયો. આ કેમ્પમાં ધોરણ ૧થી ૫માં ૫૯, અને ધોરણ ૬થી ૮માં ભાષામાં ૨૮, ગણિત વિજ્ઞાનમાં ૨૪, અને સામાજિક વિજ્ઞાનમાં ૧૮ મળી કુલ ૧૨૯ શિક્ષકોને કેમ્પમાં સ્થળ પસંદગી કરી બદલી ઓર્ડર આપવામાં આવ્યા હતા. આ બદલી કેમ્પમાં ડાંગ જિલ્લા પંચાયતના પ્રમુખ, જિલ્લા પંચાયત શિક્ષણ સમિતિના અધ્યક્ષએ ઉપસ્થિત રહી, જિલ્લા ફેરથી આવનાર શિક્ષકોને મોટીવેશનલ ઉદબોધન કરી, ઓર્ડરનું વિતરણ કર્યું હતું. આ અવસરે ડાયટ પ્રાચાર્ય, જિલ્લા શિક્ષણાધિકારી, બંને સંઘોના અધ્યક્ષ અને પ્રમુખ, મહામંત્રીઓ તથા હોદ્દેદારો, તાલુકા પ્રાથમિક શિક્ષણ અધિકારીઓ, કેળવણી નિરીક્ષકો, ઉપરાંત અન્ય સ્ટાફે ઉપસ્થિત રહ્યા હતા.