નિઝરનાં સુમુલ શીત કેન્દ્ર પાસે તથા યોગી પેટ્રોલ પંપ પાસેથી પસાર થતાં ઉચ્છલ-નિઝર હાઇવે ઉપર શાકભાજી વહન કરનાર પીકઅપ ટેમ્પો રાત્રીએ બાવળના ઝાડ સાથે ધડાકાભેર અથડાતા ચાલકને ઈજા થતા સારવાર માટે ખસેડવામાં આવ્યા હતા. મહારાષ્ટ્રની પીકઅપ વાન નંબર MH/12/PQ/5832એ મહારાષ્ટ્ર રાજ્યમાંથી લીલા મરચા ભરી વડોદરા ખાતે ખાલી કરી પરત ફરતી વખતે પીકઅપ વાહનની એન્જીન જોઈન્ટ કમાન તુટી જતા પીકઅપ વાહનનાં ચાલકે સ્ટેરીંગ પરનો કાબુ ગુમાવતા રોડની બાજુમાં આવેલ બાવળના ઝાડ સાથે ધડાકાભેર પીકઅપ વાહન અથડાતા ચાલકને વત્તી-ઓછી ઈજા થતા સારવાર માટે ખસેડવામાં આવ્યા હતા.