નવસારીનાં વાંસદા તાલુકાનાં ખાંભલા ગામે બજાર ફળિયામાં સલૂનની દુકાનના ઓટલા પાસે અજાણી વૃદ્ધ મહિલાનો મૃતદેહ મળતા પોલીસે પી.એમ. રૂમમાં લાવી શોધખોળ શરૂ કરી હતી.

સુત્રો પાસેથી મળતી માહિતી મુજબ, વાંસદા તાલુકાનાં ખાંભલા ગામે બજાર ફળિયામાં સાઈ સલૂનની દુકાનના ઓટલા ઉપર ગત તારીખ 12/07/2024નાં 9 કલાક પહેલા હરકોઈ વખતે એક અજાણી વૃદ્ધ મહિલા અંદાજિત (ઉ.વ.70) જેની ઊંચાઈ 4થી 5 ફૂટ તથા શરીરે ઘઉં વર્ણની પાતળા બાંધાની તેમજ માથાના વાળ કાળા સફેદ આશરે નવ ઇંચ જેટલા લાંબા તથા શરીરે કથઈ કલરની બ્લાઉઝ પહેરેલી છે. તેમજ શરીરે બીજા કોઈ કપડાં પહેર્યા નથી. જાહેરાત આપનાર અનિલ મનુભાઈ ચવધરી (રહે.ખાંભલા)એ આજુબાજુ ગામડાઓના સરપંચોને જાણ કરી વાલી-વારસદારોની તપાસ કરાવી. પરંતુ કોઈ મળી આવ્યું નથી. પોલીસે અકસ્માત મોતનો ગુનો દાખલ કરી આગળની તપાસ પી.એસ.આઇ. એ.એચ.પટેલ કરી રહ્યા હતા.