કામરેજના નવી પારડી ખાતેના હિમાજળ ફળિયા ખાતે રહેતા અને ગામના સરપંચએ નોંધાવેલી કામરેજ પોલીસ મથકે ફરિયાદ અનુસાર નવી પારડીના આસ્થા ઇન્ડસ્ટ્રીયલ વિભાગ તરફ જતા રોડ પરથી આસમાની કલરની ટૂંકી બાયનું ટી શર્ટ તેમજ ક્રીમ પેન્ટ પહેરેલા અને જમણા હાથ પર હનુમાનજીનું છૂંદણાના નિશાન વાળા 40થી 45 વર્ષીય પુરુષની લાશ મળી હતી. જોકે અજાણ્યા પુરુષની લાશ વિશે આસ્થા ઇન્ડસ્ટ્રીયલ આજુબાજુ તપાસ કરતા તેના વાલી વારસ મળી આવ્યા ના હતા.