તાપી જિલ્લા એલ.સી.બી. તથા પેરોલ ફલો સ્કોર્ડએ સોનગઢ ખાતેથી થયેલ મોબાઈલ ચોરીનો ગુન્હો ગણતરીના કલાકોમાં જ ઉકેલી આરોપીને ઝડપી પાડી મોબાઈલ રિકવર કરવામાં આવ્યો હતો.

મળતી માહિતી મુજબ, સોનગઢ   ખાતે રહેતા શશીકાંતભાઈ મનહરભાઈ પાટીલ નાએ પોતાના કબ્જાનો રૂપિયા 20,000/-ની કિંમતનો મોબાઇલ ઓટલા પર મૂક્યો હતો જે મોબાઈલ કોઈક અજાણ્યા ચોર ઈસમ ચોરી કરી લીધો હતો જેને લઈ શશીકાંતભાઈએ તારીખ 07/૦૩/2024નાં રોજ પોલીસ ફરિયાદ નોંધી હતી. જોકે ગણતરીના કલાકોમાં જ તાપી જિલ્લા એલ.સી.બી. તથા પેરોલ ફલો સ્કોર્ડએ મોબાઈલ ચોરીનો ભેદ ઉકેલ્યો હતો તેમજ આરોપીને ઝડપી પાડ્યો હતો. તાપી જિલ્લા એલ.સી.બી. તથા પેરોલ ફલો સ્કોર્ડએ મોબાઈલ ચોરીના ગુનામાં સંડોવાયેલ આરોપી રાહુલસિંહ ફુલસિંહ રાજપુત (રહે.લિંબાયત, સુરત)ને ઝડપી પાડી પોલીસે મોબાઈલ રિકવરી કરી આરોપીને આગળની વધુ કાર્યવાહી માટે સોનગઢ પોલીસને સોંપવામાં આવ્યો હતો.