કોરોનાની ત્રીજી લહેરની આશંકા વચ્ચે ડ્રગ્સ કન્ટ્રોલર જનરલ ઓફ ઈન્ડિયા દ્વારા 2 થી 18 વર્ષના બાળકો માટેની કોવેક્સીન કોરોના રસીને મંજૂરી આપી દેવામાં આવી છે. સરકાર તરફથી વહેલી તકે તેનો ઉપયોગ કરવા માટેની ગાઈડલાઈન બહાર પાડવામાં આવશે. બાળકોને આ રસીના બે ડોઝ આપવામાં આવશે. આ પહેલા ઝાયડસ કેડિલાની વેકસીન ઝાયકોવ-ડીને પણ ઈમરજન્સી ઉપયોગ માટે મંજૂરી આપવામાં આવી હતી. જેને 12 વર્ષથી વધારે વયના કિશોરોને પણ લગાવી શકાય તેમ છે. ભારતમાં બનેલી આ દુનિયાની પહેલી ડીએનએ આધારિત વેક્સીન છે. દેશમાં અત્યારે પુખ્ત વયના લોકોને કોવિશીલ્ડ, કોવેક્સીન અને સ્પુતનિક-વીની રસી આપવામાં આવી છે.આ રસીના પણ બે ડોઝ આપવામાં આવે છે. જોકે ઝાયકોવ-ડી ના ત્રણ ડોઝ મુકવાના હોય છે. સ્વાસ્થ્ય મંત્રી મનસુખ માંડવિયાએ જુલાઈ માસમાં જ કહ્યુ હતુ કે, દેશમાંબે કંપનીઓ કોરોના વેક્સીન ડેવલપ કરવા માટે કામ કરી રહી છે. ઝાયડસ કેડિલા અને ભારત બાયોટેકના ટ્રાલય ચાલી રહ્યા છે.