વલસાડ જિલ્લાના પ્રવાસ દરમિયાન ભારત સરકારના કેન્દ્રીય શ્રમ અને રોજગાર તથા યુવા બાબતો અને રમતગમત મંત્રીશ્રી મનસુખભાઈ માંડવીયા વાપી ખાતે ગુજરાત સરકારના નાણાં, ઊર્જા અને પેટ્રોકેમિકલ્સ મંત્રીશ્રી કનુભાઈ દેસાઈ સાથે વાપી મુક્તિધામની મુલાકાત લીધી હતી. આ મુક્તિધામની આજથી સાત વર્ષ અગાઉ આદરણીય કેન્દ્રીય મંત્રીશ્રી મનસુખભાઈ માંડવીયા દ્વારા જ ઉદ્ઘાટન કરવામાં આવ્યું હતું. તેમણે આ અત્યાધુનિક અને સુવ્યવસ્થિત મુક્તિધામની મુલાકાત લઈ કાર્યપદ્ધતિની સરાહના કરી હતી. મંત્રીશ્રીએ મુક્તિધામના સંચાલનમાં કાર્યરત મહિલાઓની મુલાકાત કરી અભિનંદન આપ્યા હતા તેમજ વ્યવસ્થા અંગે જાણકારી મેળવી હતી.