CBIએ દેશભરના જુદા જુદા રાજ્યો ખાસ કરીને, પશ્ચિમ બંગાળ, હિમાચલ પ્રદેશ,દિલ્હી, બિહાર, પંજાબ, તમિલનાડુ, કેરળ, હરિયાણ, કર્ણાટક, ઉત્તર પ્રદેશ અને મધ્યપ્રદેશ સહિત 76 સ્થળોએ દરોડા પાડ્યા છે. આ દરમિયાન સાયબર ક્રાઈમ સાથે સંકળાયેલ ગુનેગારોની ધરપકડ કરવામાં આવી છે. સીબીઆઈએ 5 કેસ પણ નોંધ્યા છે. એમેઝોન અને માઈક્રોસોફ્ટ દ્વારા ફરિયાદ કરાયા બાદ સીબીઆઈએ આ કાર્યવાહી કરી છે.

સીબીઆઈના જણાવ્યા મુજબ તપાસ અભિયાન દરમિયાન 32 મોબાઈલ ફોન, 48 લેપટોપ, 2 સર્વરની તસવીરો, 33 સિમ કાર્ડ અને પેન ડ્રાઈવ જપ્ત કરાયા છે. સીબીઆઈએ ઘણા બેંક એકાઉન્ટો પણ ફ્રીઝ કર્યા છે. સીબીઆઈએ 15 ઈ-મેલ એકાઉન્ટની વિગતો પણ મેળવી લેવાઈ છે, જેમાં આરોપીઓના ષડયંત્રનો પણ ખુલાસો થયો છે, જેના દ્વારા તેઓ લોકોને ઠગવાનું કામ કરે છે.ઓપરેશન ચક્ર-2 અભિયાન હેઠળ ઈન્ટરનેશનલ ટેક સ્પોર્ટ ફ્રોડ સ્કેમના 2 મામલાઓ પણ સામે આવ્યા છે. આરોપીઓ 5 રાજ્યો/કેન્દ્ર શાસિત પ્રદેશોમાં 9 કૉલ સેન્ટરનું સંચાલન કરી રહ્યા હતા અને પોતાને ટેકનિકલ સપોર્ટ પ્રતિનિધિ હોવાનું કહી વિદેશી નાગરિકોને ઓર્ગેનાઈઝ્ડ રીતે શિકાર બનાવતા હતા.