વાલોડના વેડછી સર્કલ પાસેથી એકટીવા ગાડી ઉપર દારૂની હેરાફેરી કરતા એક ઈસમોને ઝડપી પાડી કુલ રૂપિયા ૨૨ હજારનો મુદ્દામાલ પોલીસે કબજે કર્યો હતો.

વાલોડ પોલીસ સ્ટાફના માણસોને વેડછી સર્કલ પાસે ગુરુવારે વાહનચેકિંગમાં હતા તે દરમિયાન એક એકટીવા ગાડી નંબર જીજે/૧૯/બીબી/૦૩૧૨ ને ઝડપી પાડી તપાસ કરતા ગાડીની ડીકીમાંથી દેશી દારૂ સુગંધી સંતરાની કુલ બાટલીઓ નંગ ૪૮ જેની કિ.રૂ.૨,૪૦૦/- નો પ્રોહી મુદ્દામાલ સાથે એકટીવા ગાડીનો ચાલક દેવરામભાઈ બાબુભાઈ ચૌધરી રહે, મોટું ફળિયું મોરદેવી ગામ-વાલોડ ને ઝડપી પાડવામાં આવ્યો હતો. આ બનાવમાં વાલોડ પોલીસે રૂ.૨૪૦૦/-નો દારૂ અને ૨૦ હજારની ગાડી મળી કુલ રૂપિયા ૨૨,૪૦૦/- નો મુદ્દામાલ કબજે કરી પકડાયેલા ઇસમ વિરુદ્ધ ગુનો દાખલ કર્યો હતો.