મનિષા એસ. સુર્યવંશી/તાપી : ડોલવણ તાલુકાનાં ગડત ગામનાં આશ્રમ શાળાની સામે ટ્રક ચાલકે બાઈકને ટક્કર મારતાં બાઈક ચાલકનું સારવાર દરમિયાન મોત નિપજ્યું હતું. બનાવ અંગે પોલીસે ગુનો નોંધી તપાસ હાથ ધરી હતી. મળતી માહિતી મુજબ, ચીખલીનાં વેલનપોર ગામનાં પટેલ ફળિયામાં રહેતા ભગુભાઈ બાબરભાઈ પટેલ નાઓનો દીકરો જયેશભાઈ ભગુભાઈ પટેલ (ઉ.વ.35)નાંઓ ગત તારીખ 18/08/2023નાં રોજ પોતાના કબ્જાની બાઈક નંબર GJ/21/AR/8301ની ઉપર બેસી વ્યરા તરફ જતાં હતા.

તે દરમિયાન એક ટ્રક ચાલકે ડોલવણથી વ્યારા તરફ જતાં નેશનલ હાઈવે નંબર-56 ગડત ગામે આશ્રમ શાળાની સામે રોડ ઉપર જાહેરમાં જયેશભાઈની બાઈકને ટક્કર મારી અકસ્માત સર્જાયો હતો. જોકે આ અકસ્માતમાં જયેશભાઈને માથાના ભાગે તથા ગંભીર ઈજા પહોંચતા સારવાર દરમિયાન ખસેડવામાં આવ્યા હતા, જ્યાં સારવાર દરમિયાન તેનું મોત નિપજ્યું હતું. બનાવ અંગે ભગુભાઈ પટેલ નાંએ ડોલવણ પોલીસ મથકે તારીખ 22/08/2023નાં રોજ ગુનો નોંધાવતા પોલીસે ગુનો નોંધી કર્યવાહી હાથ ધરી હતી.