મનિષા એસ. સુર્યવંશી/વ્યારા : વ્યારાનાં બોરખડી ગામનાં કાકદડા ચોકડી પાસેનાં બસ સ્ટેશનની સામે બાઈક ચાલકે આધેડને અડફેટે લેતાં સારવાર દરમિયાન મોત નિપજ્યું હતું.

મળતી માહિતી મુજબ, વાલોડનાં બાજીપુરા ગામનાં ગાંગજી ફળિયામાં રહેતો નિલેશભાઈ નાથુભાઈ ચૌધરી નાએ સોમવારનાં રોજ બોરખડી ગામનાં કાકદડા ચોકડી પાસેનાં બસ સ્ટેશનની સામે બાજીપુરાથી કહેર ગામ તરફ જતાં રોડ ઉપર પોતાના કબ્જાની નંબર વગરની બાઈકને પુરઝડપે અને ગફલતભરી રીતે હંકારી લાવી માલસિંગભાઈ જમાભાઈ ચૌધરી નાઓને અડફેટે લેતાં અકસ્માત સર્જાયો હતો. જોકે આ અકસ્માતમાં માલસિંગભાઈ રોડ ઉપર નીચે પટકાતા માથાનાં પાછળનાં ભાગે ગંભીર ઈજા પહોચતા સારવાર દરમિયાન તેમનું મોત નિપજ્યું હતું. બનાવ અંગે અમીતભાઈ ચૌધરી (રહે.બોરખડી ગામ, ભાઠી ફળિયું) નાએ બાઈક ચાલક નિલેશભાઈ ચૌધરીની સામે વ્યારા પોલીસ મથકે ગુનો નોંધાવ્યો હતો.