સોનગઢમાં રહેતી છોકરી તા.૧૦/૦૬/૨૦૧૫ ના રોજ પોતાના ઘરેથી કોઇને કાંઇપણ કીધા વગર નીકળી ગઈ હતી જેને તાપી પોલીસે હ્યુમન રિસોર્સની મદદથી શોધી કાયદેસરની કાર્યવાહી હાથ ધરી છે.

તાપી એસપી દ્વારા ગુમ થયેલા લોકોને શોધી કાઢવા સ્પેશ્યલ ડ્રાઇવનું આયોજન કરાયું છે. જેને લઈ સોનગઢ પોલીસ સ્ટેશનમાં ગુમ જાણવા જોગ મુજબનો બનાવ નોંધાયો હતો. જેમાં ગુમ થનાર ગાયત્રીબેન ભગવાનભાઈ ચૌહાણ ગત તા.૧૦/૦૬/૨૦૧૫ના રોજ પોતાના ઘરેથી કોઇને કાંઇપણ કીધા વગર નીકળી ગયા હતા અને આજદીન સુધી મળી આવતા ન હોય જેથી હ્યુમન રિસોર્સની મદદથી તપાસ કરતા આ ગુમ થનાર છોકરી ગાયત્રીબેન ચૌહાણ બરોડા ખાતે તેના પતિ સાગરભાઈ સંતોષભાઈ સાવંત તથા તેના બે સંતાનો સાથે રહેતા હતા. આમ તાપી પોલીસે આજથી આઠ વર્ષ પહેલાં ગુમ થયેલ છોકરીને શોધી આજરોજ સોનગઢ ખાતે તેના માતા - પિતા સાથે મિલાપ કરાવી એક પ્રસંશનીય કામગીરી કરી છે.